#مشاهير العرب
لاما عزت 1 يوليو 2017
نشر الفنان أحمد حلمي الصورة الأولى لطفله سليم من زوجته الفنانة منى زكي عبر حسابه على "إنستغرام" أمس مشاركة منه في حملة "السنين الأولى بتفرق" التي تنظمها اليونيسف. وكتب: "لما كنت طفل كان كل حاجه في حياتي. جبل كبير ضخم كله قوه، وعلي قد قوته كانت حنيته. عمري ما انسي كف أيده الدافئ وهو حاضن أيديا الصغيره. نينني عيننه اللي بيضحك لما بيبص في وشي. كنت بحس بالامان لانه مركز معايا وواخد باله مني. لا شغل شاغله عني ولا اهتمام كان ناقصني. حفظني طريق مدرستي زي ماحفظني امشي في اول خطوتي من الكنبه للترابيزه وهو بيشجعني ومحاوطني بدرعاته...انه أبي. انه أبويا. انه والدي. انه بابا". وأضاف "اللي زرعه أبويا من اهتمام وتواصل فرق معايا كتير . او بمعني ادق خلاني اب اعرف اتعامل مع أطفالي . شكرا يا ابي شكر دائم ومستمر مدي الحياه. شكر اتمني اني استحقه وأسمعه من ابني وبنتي لما يكبروا فأشكرك شكر تاني ..شكرا لكل اب بمناسبة عيد الأب .. وطبعا طبعا طبعا شكرا لكل ست لانها هي اللي ولدت وربت كل طفله بقت ام وكل طفل بقي اب". واستطرد "يونيسف الشهر ده بتحتفل بكل أب في مصر وفي العالم كله. نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك وانت صغير واعمل تاج ليونيسف على @unicef.egypt بهاشتاج #السنين_الأولى_بتفرق علشان تكونوا جزء من الحملة دي".
