تواظب الفنانة السورية هويدا يوسف على متابعة حلقات "أراب آيدول" كل أسبوع، لكنها علّقت أمس على أداء بعض المشتركين.
عبر صفحتها الخاصة على الفايسبوك، وجهت انتقادها أولاً لمنال موسى وكتبت "منال بلشتي بشع والنشاز للسما، افتحي تمك وانت عم تغني، صوتك من مناخيرك، ما حبيت، عم تغني بشع، أداء بشع، كيف اختاروك بحياة الله؟ يا نشازك".
كما أعربت عن استيائها من غناء عمار الكوفي: "ما بعرف شو لازم يقول، لو سمعك ملحم بركات، كنت سمعت كلام منو ما عجبك، يعني اختيار فاشل تماماً، عمار حرام عليك النشاز للسما".
وتوقعت أن يخرج محمد رشاد في حلقة النتائج مساء اليوم وكتبت: "محمد رشاد صوتك حلو، بس الاختيار خاطئ مش مية بالمية مليار بالميار، عم تغني وانت مش مرتاح، عم تفدغني وانت عم تبذل مجهود وطاقة فوق طاقتك، شو صاير ليش اختيار الاغاني هيك؟ شكلهن بدهن يطالعوا مصري هالأسبوع".
في السياق عينه، امتدحت حازم شريف وهيثم خلايلي، قائلةً "آه على إحساسك يا حازم يا ابن حلب، وعربك الرائعة يا فنان، والله مش تعصب، آه وآه، بس يا ريت غنيت أغنية تانية،" وأضافت: "هيثم جميل، واختيار موفق وأداء سليم، في ثقة، برافو برافو".
المزيد: