#مشاهير العرب
زهرة الخليج - القاهرة 2 ابريل 2021
انهارت الإعلامية المصرية رضوى الشربيني بالبكاء على الهواء في أول ظهور لها بعد وفاة والدتها وذلك عبر برنامجها التلفزيوني، حيث غلبتها دموعها حزناً على رحيل والدتها.
ووجهت رضوى الشربيني الشكر لجمهورها بسبب وقوفهم إلى جانبها في محنتها ودعائهم لوالدتها أثناء مرضها وبعد وفاتها.
وقالت الشربيني: "في آية بصدق فيها أوي وهي لا يكلف الله نفسا إلا وسعها.. يعني ربنا سبحانه وتعالى مش هيشيل كتف حاجة إلا لو كان قدها"
وأضافت باكية: "كان عندي كابوس لمدة 50 يوماً.. مش قادرة ومش عايزة اتكلم عن تفاصيله دلوقتي.. هتكلم عليها لما أقدر أتكلم عليها.. أولاً كان لازم نطلع عشان عندنا رسالة ولازم نكملها..".
وتابعت قائلةً: "وكمان لازم أطلع عشان أنا الست اللي بقالي 5 سنين قاعدة بقولكم إن مع العسر يسر.. ومهما الواحد مر بحاجات مش كويسة لكن ربنا موجود.. والحياة امتحان وكل واحد فينا عنده امتحان شكل".
وتابعت: "لكن أنا هي هي الست اللي كنت بقولك هتعدي.. وأنا كمان متأكدة إنها هتعدي بالوقت والصبر والدعاء والصلاة.. وأنا طالعة النهاردة رغم إني كان عندي الاختيار والإمكانية إني مطلعش وإني استنى لبعد رمضان لكن أنا صممت إني أطلع".
وأوضحت: "وعشان ربنا ديما بيقول إن مع العسر يسر.. وجزء كبير من يسري كانت أنتوا.. كم الدعاء اللي اتدعى لأن وهي عايشة وهي ميتة لو كنت قعدت جمعت فلوس كتير أوي أو كنت بقيت ملكة الدنيا مكنش هيحصل".
واستكملت حديثها: "والناس الكتير اللي وقفت جنبي أهلي وأصحابي وأشخاص ربنا سخرهم عشان يكونوا جزءاً من اليسر.. إحنا بشر كل واحد بتحصلوا حاجات لازم يصبر عليها حتى لو العقل مش مستوعبها أو القلب مش مستحملها.. لكن ربنا قال وبشر الصابرين عشان كلنا لازم نصبر".
واختتمت قائلةً: "أنتوا وحشتوني جداً.. ومتشكرة ليكم جداً.. عشان أنا حسيت إني اللي عملته في 5 سنين ماراحش.. وبشكركم جداً على دعواتكم لي ولأمي الله يرحمها".
وكانت قد أعلنت الإعلامية المصرية رضوى الشربيني منذ شهر عن وفاة والدتها متأثرة بمضاعفات إصابتها بفيروس كورونا المستجد "كوفيد-19".
