أمير كرارة يرد على تصريحات محمد نجاتي بالاعتزال

#مشاهير العرب

مي فهمي 4 يوليو 2022

حرص الفنان أمير كرارة على توجيه رسالة إلى الفنان محمد نجاتي، بعد تصريحاته الأخيرة، التي أعرب فيها عن استيائه ورغبته في الاعتزال، بسبب مقارنة أحد الكتاب بينه وبين كرارة.

وأعاد أمير كرارة نشر مقطع الفيديو، الذي نشره محمد نجاتي، عبر حسابه الشخصي بموقع "فيسبوك"، وعلق عليه كاتباً: "يا حبيبي إنت نجم كبير وعلى دماغنا كلنا، ربنا يكرمك ويزيدك ويرزقك، ويجمعنا مع بعض في عمل واحد.. وشرف ليا".

وكان الفنان محمد نجاتي نشر مقطع فيديو، عبر فيه عن حزنه من وضعه في مقارنة مع الفنان أمير كرارة، خاصة أن بدايتهما الفنية كانت في نفس الوقت تقريباً، وجاء تعليق من أحد الكتاب تضمن: "بص كرارة بقى فين ونجاتي فين دلوقتي".

وقال نجاتي في الفيديو الذي نشره: "أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر يوصل لحب الناس وقاعدة كبيرة من الجمهور، وعاوز أقول إني مكنش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال الدكتور مدحت العدل وهو حي يرزق ممكن يسأل".

وأضاف: "أما بقى بالنسبة للبوست اللي اتقال فيه شوف دلوقتي أمير كرارة فين ومحمد نجاتي فين؟ طبعاً أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، قدر إنه يوصل لحب الناس وقاعدة كبيرة جداً من الجمهور، لكن دي حاجة مش بإيديا، دي حاجة خارجة عن إرادتي".

وتابع: "أنا راجل ممثل وبشتغل الحاجات اللي بلاقيها كويسة ومناسبة، ممكن تكون مش أعمال بتاخد بروباجاندا كبيرة زي ما فنانين كتير بيشاركوا في أعمال أنا أتمنى أكون في الحاجات المهمة دي، لكن غصب عني أنا مضطر أشتغل حاجات علشان أكمل بقيت حياتي لأن عندي التزامات، وعندي حاجة تخليني مش مبسوط أوي".

إقرأ أيضاً:  محمد هنيدي يطمئن الجمهور على صحة محمد عبدالرحمن
 

واختتم: "أحياناً بضطر أقبل حاجات مش راضي عنها علشان أقدر أكمل حياتي، وإذا كانت الوضعية دي مضايقة ناس أو بعض الصحفيين,, على فكرة أنا ممكن أعتزل وأريحكم كلكم مني وتبقى نهاية الحكاية".