#مشاهير العرب
وائل العدس 30 ديسمبر 2013
أعلنت كندا علوش أمس عن انتهائها من تصوير مشاهدها في فيلم "لا مؤاخذة" الذي يتناول موضوعاً شائكاً في مصر ألا وهو الدين. وكتبت الفنانة السورية على صفحتها الشخصية على الفايسبوك "مبارح كان آخر يوم تصوير فيلم "لا مؤاخذة" للصديق الموهوب عمرو سلامة الي تعب كتيير وانتظر كتيير حتى يشوف الفيلم النور". وقالت لمؤلف ومخرج الشريط "استمتعت بالشغل معاك ومتفائلة جداً بالفيلم. وبتمنى تكون النتيجة على قد طموحاتك وأحسن. مبروك ليك ولكل فريق العمل". وكشفت كندا عن أمنيتها الثانية لعام 2014 بعدما نشرت سابقاً أمنيتها الأولى فقالت "أمنيتي إني قضي راس السنة بالشام. مو مهم وين، المهم بالشام مع أهلي وكل رفقاتي المفرطعين ببلاد الله كلن كلن، جاية ع بالي شوف حتى الي ما بحبن، كل الوجوه الي بتذكرني بالشام. نسهر للصبح ونمشي بالشوارع بالبرد وبعدين نفطر بالشام القديمة. ونسلم ع الأموي ونطلع ع قاسيون، وجاية عبالي روح كل المشاوير لف بكل الشوارع (بدون حواجز) وآكل كل الأكلات وشوف كل الناس. رح ضل تلات تيام بلا نوم مشان لحق، بدي لفّ ع بيوت صحابي، اشتقت لدفا بيوت الشام، وخصوصاً الي عندن صوبيا". علماً أنها كشفت قبل يومين عن أمنيتها الأولى "بدي ارجع طفلة صغيرة ع سطح الجيران.. وينساني الزمان". أخيراً، نفت كندا علوش امتلاكها حساباً على الانستغرام، مشيرة إلى أنّ الحساب الذي يحمل اسمها مزوّر. المزيد: كندا علوش: مشان الله حاج!
